Furvlenn hwilans

DIPESALEME 111

Thoko ya Modimo.

1Bokang Jehova! Ke rorisa Jehova ka pelo ya ka yohle, mokgatlong wa ba lokileng le phuthehong. 2Mesebetsi ya Jehova e meholo, e batlisiswa ke bohle ba kgahlwang ke yona. 3Seo a se etsang ke bokgabane le kganya, ho loka ha hae ho hlola ka ho sa feleng. 4O etseditse mehlolo ya hae kgopotso. 5Jehova o mohau, o lereko. O nea ba mo tshabang dijo; o hopola selekane sa hae kamehla le mehla. 6O bonahaditse matla a diketso tsa hae ho setjhaba sa hae ka ho se nea lefa la ditjhaba. 7Mesebetsi ya diatla tsa hae ke nnete le ho loka; 8ditaelo tsa hae kaofela ke tsa sebele, tse tiileng ka ho sa yeng kae le ka ho sa feleng; di theilwe nneteng le ho lokeng. 9O rometse setjhaba sa hae poloko, o laetse selekane sa hae, e be se sa feleng. Lebitso la hae le a halalela, mme le a tshabeha. 10Qalo ya bohlale ke ho tshaba Jehova; bohle ba ineelang hoo ba na le kutlwisiso e lokileng. Kganya ya hae e hlola ka ho sa feleng.

BIBELE e Halalelang

© 1909, 1961 Bible Society of South Africa. Used by permission. All rights reserved.

More Info | Version Index