Furvlenn hwilans

DIPESALEME 110

Thoko tsa eo e leng moprista ka mokgwa wa Melkisedeke.

Pesaleme ya Davida.

1Jehova o itse ho Morena wa ka: Dula letsohong la ka le letona, ke tle ke be ke bee bao e leng dira ho wena bonamelo ba maoto a hao. 2Jehova o ya otlolla Sione molamu wa matla a hao: hloma mmuso wa hao hara dira tsa hao.

3Setjhaba sa hao e tla ba se mafolofolo ka letsatsi la ho futuha ha hao; ka bokgabane bo kgethehileng, ba batjha ba hao ba ya tswa pela hao jwaloka phoka e tswang popelong ya mafube. 4Jehova o hlapantse, a ke ke a kweneha; o itse: O moprista ka ho sa yeng kae, ka mokgwa wa Melkisedeke.

5Morena, ya leng letsohong la hao le letona, o thumakanya marena ka letsatsi la kgalefo ya hae. 6O tla ahlola hara ditjhaba; hohle ho tla tlala ditopo, o tla thumakanya dihlooho dinaheng tse ngata. 7Ha a ntse a eya, o tla nwa molatswaneng, a ntoo lelatsa hlooho.

BIBELE e Halalelang

© 1909, 1961 Bible Society of South Africa. Used by permission. All rights reserved.

More Info | Version Index